Aunke e ta hopi mas frecuente den hende muhe, hombernan tambe por sufri di cancer di pecho.
E cancer di pecho masculino ta un afeccion caminda cu celnan maligno (canceroso)ta forma den e tehidonan die pecho.
E por presenta den hende homber di cualkier edad, pero generalmente e ta wordo detecta den hende homber di 60 pa 70 aña y ta representa menos di 1% di tur e casonan di e tipo aki di cancer.
E factor di riesgo, miho bisa, e cosnan cu ta aumenta e probabilidad di sufri di cancer di pecho den hende homber ta:
Ta exponi na radiacion.
Tin un enfermedad relaciona cu concentracionnan halto di estrogeen den e curpa, manera cirosis (enfermedad di higra of sindrome di Klinefelter (trastorno genetico).
Tin varios famia femenino cu tabata tin cancer di pecho, specialmente famianan cu tin un alteracion den e gen BRCA2.
Bo por hereda die mama?
E cancer di pecho den hende homber ta origina algun biaha door di mutacionnan hereditario (cambio) den e gennan. Esaki ta hiba na informacion hereditario cuun perosna ta ricibi di e mayornan, por lo tanto, ta posibel hered’e di un mama cu lo a sufri di dje.
E cancer di pecho hereditario den hende homber ta representa cerca di 5 pa 10% di tur e casonan die tipo di cancer aki.
Con pa detect’e
Hende hombernan cu cancer di pecho generalmente tin masanan cu e por gara na dje. E cancer di pecho masculino of otro afeccionnan por causa masa y otro signonan den e zona di e pecho, pesey, ta importante pa consulta cu dokter si nota cambio den e pechonan.
Pa detecta (haya) y diagnostica e cancer di pecho den hende homber, ta uza pruebanan cu ta samina e zona, manera examennan fisico y clinico, estudionan di sanger y biopsia.
E tiponan di cancer di pecho cu por wordo haya den hende homber ta:
Carcinoma ductal infiltrante: cancer cu ta disemina mas leu di e celnan cu ta revisa e conductonan di e cancer. Esaki ta e tipo cu mayoria di hende homber cu cancer di pecho ta sufri di dje.
Carcinoma ductal in situ: celnan abnormal cu por wordo haya den e revestimento di un conducto, tambe yama carcinoma intraductal.
Cancer di pecho inflamatorio: tipo di cancer pa cual e pecho tin e aspecto cora y inflama y ta sinti cayente.
Enfermedad di Paget di e nipple: tumor cu a crece for die cunductonan ubica bao di nipple te na e superficie.
Pronostico
E supervivencia pa hende homber cu cancer di pecho ta similar na esun di e hende muhe cue mesun tipo di cancer aki, ora cu ta haci e diagnostico den e mesun stadium. NO obstante, e cancer di pecho masculino frecuentemente ta wordo diagnostica ora cu e ta mas avansa y por lo tanto, tin menos posibilidadnan di cura.
Epronostico di curacion of sobreviviencia ta depende di: e stadium di cancer (si e ta solamente dene pecho of sia disemina pa otro partinan die curpa), e tipo di cancer di pecho, e concentracionnan di e receptornan di estrogeen y e receptornan di progesteron den e tehido di tumor, sie cancer ta wordo haya tambe den e otro pecho y e edad y e salud general di e pashent.
Fuente: https://holadoctor.com/es/