Diahuebs merdia camara di siguridad di Arucar a capta dos vehiculo a drenta e cura y cuatro homber tabata cana y busca cos pa horta. Di biaha e hefe di Arucar a cera e cura y blokia e entrada cu un vehiculo pa stroba e ladronnan di sali. Polis a keda yama pa bin y a presenta y tuma e denuncia di e hefe di Arucar.
Cuatro homber tabata den e cura, nan ta contratista di DOW mientras cu nan mester ta haciendo limpi banda di caminda nan tabata horta. Un otro persona a yega y reconoce e ladronnan y informa autoridad cu nan a horta un rato prome den su cas tambe. Polis a detene e 4 hendenan y a tuma tanto un daewoo cora A-42634 y un pickup nissa, A-55265 den beslag cu e materialnan horta.