Homber tira mata na Gosieweg

0

Willestad Curacao: Djadumingu 26 di novèmber 2017 alrededor 05.22 or sentral di polis a haña notifikashon ku tin un tiramentu riba Gosieweg na altura di un establesimentu i ku tin un herido.
Na yegada di e promé patruya polisial nan a topa ku un hòmber drumí abou na e sitio indiká ku no ta duna señal di bida.
Motibu di e tiroteo aki no ta muchu kla i ta den investigashon. E víktima Darwin Ernesto Herro Acosta, nasé na Santo Domingo 27 òktober 1991 a risibí herida di bala na e parti ariba di su kurpa i a fayesé na e sitio mes.
Na e sitio polis a haña i konfiská un kantidat di “huls”. Alrededor di 06.45 or dòkter di polis a konstatá morto di Darwin Herro Acosta.
Riba òrdu di Fiskal di Ministerio Públiko a konfiská e kurpa sin bida pa mas investigashon. Na e sitio polis a detené un sospechoso e hòmber X.A.T. nasé na Kòrsou di 29 aña di edat. Polis a tene un entrada hudisial na kas di e sospechoso ariba menshoná.
A presentá e sospechoso dilanti di un Fiskal Ouksiliar ku a ordená su enkarselashon pendiente mas investigashon.
Nos ta supliká personanan/testigunan ku tabata den bisindario i/òf a presensia e suseso aki pa tuma kontakto ku polis na number di telefòn 917(24 ora pa dia) òf 108(number anónimo, kaminda bo anonimidat ta garantisá)