Central a dirigi patruya na altura di Aruba Junior pa un caso di ladronicia. Eynan a papia cu e homber yama R., kende a declara cu rond di 9’or di anochi, el a wordo atraca door di un homber desconoci cu un arma di candela, den Rudolf Arendsstraat. E homber desconoci a bin riba un brommer preto, cu un helm blauw y preto. Dicho homber a saca un revolver preto y a dirigi esaki riba dje bisando “Dame tu mochila.” E arma di candela pa R. tabata desconoci, pero el a bisa cu e sa sigur cu esaki no tabata un revolver. E tas cu R. tabata tin cun’e, tabata tin sapato di futbol color preto y berde di e marca Nike, size 11. E homber a bay cu e tas aki. E sospechoso ta midi entre 1.70 y 1.80. Color di cuero ta desconoci. El a papia cu un stem grof y cu un Spaño bata vlot. R. no sa ki direccion e homber a bay despues di e atraco. Central, comandante na warda y Atraco Team a wordo poni na altura.