Bangkok, TAILANDIA- Un homber na Tailanda a pone un video ariba Facebook unda cu por wak claramente con e ta mata e baby. Polisnan ta bin haya e tata sin bida banda di curpa di su yiu di 11 luna. E imagennan a keda por lo menos 24 ora riba e red social prome cu el a wordo detecta y kita.
Riba e imagenan por a wak con Wuttisan Wongtalay ta pasa un cabuya rond di nek di su yiu y despues strangula e criatura. Ora cu ela caba el a tira e curpa sin bida di su yiu for di e piso mas halto di un edificio bandona den e ciudad di Phuket. Segun autoridadnan, e homber tabata tin miedo cu su casa no tabata stim’e mas y cu e lo kier a bay lag’e.