Central di Polis ta dirigi patruya pa Carolina Bar den Caya Charlie Brouns, Sr. relaciona cu un caso caminda cu un homber den un Toyota Tercel ta spuit un dama cu un “taser gun”. Na e sitio polis ta papia cu e dama R, kende a declara cu cuater homber desconoci pa su persona, di color skur den un Toyota Tercel cu glas getint a acerk’e pa su servicionan. E homber sinta patras, banda di chauffeur a spuit un “taser gun” riba dje, cual a ocasiona un herida riba su dede robes. Despues di esaki e cauter hombernan aki a bay den direccion pabao, pa Rembrandstraat. Polisnan a patruya den e cayanan den vecindario y den Village si nan por a topa cu dicho auto, pero sin ningun resultado.