BRUSSEL, Belgica – Un homber a ranca diadomingo, wowonan di un otro riba caya na Brussel durante un pelea, fiscalia di e capital Belga a indica dialuna, cu a anuncia e detencion di un sospechoso.
E presunto agresor, un Hulandes, naci na 1983, a ranca e globulonan ocular di e victima, un Belga di e mesun edad, depsues di a tene un pelea cun’e oranan prome, ministerio publico a señala den un comunicado.
E victima, cu tabata riba un plaza central pa 3’or di marduga di diadomingo, “a wordo traslada pa hospital den un estado grave. Su wowonan a wordo haya un tiki mas leu for di caminda e tabata,” e fuente aki a precisa.
Polis a detene e agresor pa 2’or y 50 di e mesun dia, kende mester a aparece dilanti un hues dialuna a base di instruccion di golpi, heridanan boluntario, tortura y trato inhumano.
Aunke e detenido a “reconoce di a bringa” cu e victima, “e no por afirma cu siguridad di a ranca su wowonan,” fiscalia a indica, precisando cu e investigacion ta sigui habri.
Fuente: NTN24