DEN HAAG, Hulanda- Un reunion publico den Tweede Kamer a wordo para den oranan di merdia, ora di Hulanda, ora cu un homber a bula for di e tribuna. E tabata kier a comete suicidio.
Ta trata aki di un homber di 65 aña, procedente di Groenlo, segun polis di Den Haag a confirma. “E homber tabata tin un faya rond di su nek, cu tabata mara na e tribuna”, segun e declaracion oficial di polis. E homber a wordo transporta pa hospital.
E carta di despedida di e homber a bay viral ariba rednan social. “Pordonami pa e echo aki, mi mester haci’e pa lanta e politiconan for di soño”, e homber ta skirbi. Den e carta e ta bisa cu e tin un tempo caba ta bringando pa legalisa cannabis.
Debate
E incidente a tuma luga ora cu e miembro di Tweede Kamer pa VVD, Arno Rutte tabata hibando palabra tocante di crimen organisa. Diripiente a tende un zonido duro y hendenan a cuminsa grita. Miembronan di Tweede Kamer cu a presencia esaki a keda den shock.
Presidente di Tweede Kamer, Arib a bisa di a hiba un susto grandi di e incidente. “Di mes e tin un impacto grandi ora algo asina sosode”, el a bisa den un declaracion cortico. “Pero e meneer ta stabiel”.
Fuente: https://nos.nl/