Homber ta para horta electronico den Pricesmart

0

Central ta manda patruya na Pricesmart pa un caso di ladronicia. Eynan a papia cu e manager on duty, e dama S., kende a splica cu e team di siguridad, a gara un homber ta horta. Nan a want’e te ora cu polis a yega. Parce cu e yama JMAV. Polis a puntra JA si e tabata tin articulonan horta riba dje, cual el a admiti y a bisa pa tira un bista den su tas. Den e tas polis a haya un USB hard-drive. A. a admiti di a horta e articulo. Tambe e manager a declara cu e mesun homber a bay cu mas cos. A. a admiti tambe di a bay cu por ehempel 1 Seagate USB hard-drive 4TB (afl. 279.95), 2 Seagate USB hard-drive 2TB (afl. 199.95 pa un) y 1 Seagate USB hard-drive 1TB (afl. 149.95). E suma total ta 858.85 florin. E ruman homber yama JAV, kende tabata na e sitio, a duna como solucion cu e lo bay paga e suma. E manager a bay di acuerdo. Paz a keda restaura. Central a wordo poni na altura.