HELSINKI, Finlandia- Dos persona a muri y dies mas a resulta herida den un atake cu cuchiu realisa pa un homber ariba e plasa di e localidad di Turku, zuidoost di e pais.
Agentenan policial a tira ariba e sospechoso, cu a resulta herida na su pia y a wordo deteni.
Sin embargo, autoridadnan ta kere cu lo por tin mas complice, cu a huy pa cual a pidi habitantenan di e localidad pa nan keda paden y no subi caya.
E atake a tuma luga den e zona Puutori-Market Square di Turku, ciudad ubica na 170 km leu di capital, Helsinki.
Varios edificio den cercania a wordo evacua y polis a interoga varios persona na e luga.
Segu autoridadnan, ta pronto ainda pa sa si e atake ta relaciona cu extremismo, pero e siguridad rond di Finlandia a wordo reforsa durante oranan di atardi di diabierna.
Prome Minister di Finlandia, Juha Sipila a bisa cu su gobierno ta monitor e situacion.
Tambe autoridadnan a cuminsa un operativo di siguridad den sitionan clave di e capital, Helsinki, unda cu polisnan fuertemente arma a wordo desplega den e station central di trein y na e Aeropuerto.
Fuente: http://www.bbc.com/