Un homber na India a carga e curpa di su casa pa varios kilometer despues cu e hospital caminda cu el a fayece supuestamente no a proporciona un manera di transporta su curpa di buelta na su pueblo.
Sin e placa pa huur un auto, Dana Manjhi a cana pa 10 kilometer na pia diaranson, hibando riba su lomba e curpa sin bida.
Den temperaturanan humedo y sofocante di zomer, el a hisa e curpa di su casa riba su schouder, lora den un clechi di color blauw. E tabata compaña pa su yiu muhe di 12 aña di eddad, kende no tabata para di yora.
Su casa, Amang Dei, di 42 aña, a fayece di tuberculosis diamas anochi den un hospital den e parti oriental di Odisha.
E peatonnan a interveni
Manjhi y su yiu muhe tabata tin mas of menos 50 kilometer dilanti di nan pa yega na su pueblo ora cu e peatonnan a yama un periodista local.
E periodista di Odisha TV Ajit Singh a haya nan y a registra nan riba un video cu imagennan cu a wordo ampliamente comparti den henter e nacion.
“Mi ta hibando e cadaver di mi casa pasobra mi ta pober y mi no por paga pa un auto. Mi a bis’e e mesun cos na autoridadnan di e hospital. Nan a bisa cu nan no por ofrecemi ningun ayudo,” Manjhi a bisa den e video.
Singh a describi e storia na CNN.
“Algun bisiña a mira sr. Manjhi hibando e cadaver di su casa compaña pa e yiu muhe di 12 aña di edad, Sanadei Manjhi, y nan a yamami,” el a bisa. “Nos a film’e hibando e cadaver y a puntra kico a pasa.”
Un caro a wordo organisa pa Manjhi.
Fuente: CNN en Español