IDAHO, Merca- Un homber arman cu’n cuchiu den estado Idaho (Merca) a drenta den un fiesta un fiesta di un mucha di tres aña. Eynan el a hinca seis mucha y tres adulto. Cuater di e heridonan ta bringando pa nan bida.
E cumpleañera ta entre e victimanan, e otronan ta muchanan di entre 4 cu 12 aña. E tres adultonan a wordo herida ora cu nan tabata purbando di scapa e muchanan for di atake. Nan no a logra domina e malhechor, cu a huy ora cu polis a yega. Pero nan a logra gar’e algun caya mas leu.
Segun un di e muchanan cu a wak loke a sucede, e malhechor tabata core tras di su victimanan y a hincanan varios biaha.
Kico por tabata su motibonan, no ta conoci. Pero polisnan a identifica e malhechor como Timmy Kinner, di 30 aña, cu diabierna ultimo a wordo saca for di su apartamento pa mal comportamento..
Fuente: https://www.rtlnieuws.nl