Diahuebs 23 di Maart Corte den Prome Instancia a dicta sentencia den e caso contra di W.J., cu ta wordo acusa di secuestro, violacion y maltrato di su (ex) pareha.
Caso
J. ta wordo acusa di a tene su pareha N.C. secuestra y tambe di a fors’e di tene relacion sexual cun’e. Durante e tempo cu C. tabata secuestra, e tabata wordo maltrata cu bara di hero door di J. Esaki a sosode na varios ocasion. E caso aki ta uno cu a tuma luga na luna di September 2016.
Fiscal
Fiscal durante tratamento di e caso a pidi 48 luna condicional pa J., kitando e tempo cu ya caba e tabata tin den detencion preventivo. Rapport di psychiater ta indica cu J. ta sufri di agresividad, pero si e sa kico e ta haci. E no tin ontwikkelingsproblemen, pero si un caracter dominante, pa cual e mester di un ayudo profesional.
Sentencia
Hues a cera tratamento di e caso y a dicta sentencia mesora. Ta legalmente proba cu J. a secuestra su pareha N.C. pa dos dia largo, a viol’e y a maltrat’e severamente. E victima ta bay keda cu traumanan psicologico, por lo tanto Hues a sentencia J. na 48 luna di prizon, incondicional.