Centrale Post ta haya un melding telefonico cu lo tin un grupo di mas o menos shete (7) hende homber ta canando bay abao na altura di Sabanilla Abao. Tambe e persona na liña a bisa e centralista cu e hombernan aki tin rugtas cu nan y e ta sospecha cu lo ta ilegalnan.
Na altura di Sabanilla Abao polisnan a topa cu un Toyota di modelo Hilux, caminda tabata tin un grupo di mas o menos 5 persona para na e auto. Polisnan a papia cu e personanan aki y un di nan kier a cana bay di biaha. Mirando cu e grupo aki a cuminsa actua nervioso y cu nan tabata tin ainda santo blanco ariba nan paña a lanta e sospecho cu e hombernan aki lo ta ilegal. Nan a wordo pasa pa Warda Nos Costa, basa ariba e ley di LTU. Na momento cu e polisnan tabata bezig cu e detencion, un di e hombernan a cana bay. Polisnan a busca den becindario, pero sin resultado. Un bisiña a bisa polis cu e homber a subi e auto A-65161 y nan a bay.
Na warda di polis na Santa Cruz a yega e homber E.L. cu a trece e homber Maduro, cual ta esun cu a cana bay. C.M. Maduro a declara cu e cinco ilegalnan aki a topa cun’e y a pidi’e pa awa. Ora el a wak polis el a spanta. Pa mas o menos 9 or di mainta personal di Warda Costa a informa Central di Polis cu nan a haya un boto den becindario di “Boca Ketu”.