Diahuebs, pa mas of menos 4’or y 40 di atardi, Central ta dirigi patruya di Noord den Caya Francebloem pa un pelea cu arma. Eynan a papia cu e homber R., kende a declara cu e conocido K. a menase cu un ijspiek. El a sigui splica cu dicho homber por wordo haya na un adres den Caya Seida. Polis a bay na e adres y a papia cu K., kende a declara cu R. debe placa y debi cu e tabata asina rabia cu e kier a tuma ley den su man.
Mientras tanto cu tabata papiando cun’e, polis a ripara cu e tabata hole na alcohol y su wowonan tabata cora. Tambe e tabata papia bruha. Mirando na su comportacion polis a ripara cu K. tabata bao di influencia di un ke otro substancia. Despues di a intermedia, el a calma y paz a reina un biaha mas. Central a wordo poni na altura.