Diasabra marduga un homber a keda saca for di Emotions Night Club pariba di e rotonde na Sasaki. E homber no a gusta cu el a keda saca despues di un pelea y a menasa e bouncer cu e lo bin bek pa tire mata. Patruyanan di biaha a yega na e night club busca mas informe y a haya sa ta kende e sospechoso ta.
A bay busca esaki rond den Bubali y topa cune na un bar restaurant. E homber a keda deteni y a comenta cu nan a dal e di trincion den e night club y a menasa e bouncer cu e lo tire. Polis a listra full e auto pero no a topa cu nada, e bouncer a entrega keho na autoridad di menasa.