Diaranson, pa mas of menos 5’or di mainta, durante patruya riba LG Smith Boulevard na altura di Dura Home Center, polis a mira bao di un container, un curpa. Nan por a mira dos palet caminda tabata tin un cama y un persona drumi cu su cara tapa.
E homber desconoci a bin resulta despues di ta JEHM. A puntr’e kico e tabata haciendo, kende a declara cu e tabata cansa y pesey el a bay drumi na dicho luga. M no por a corda su adres y no tabata tin su documentonan hunto cune. El a sigui splica cu el a bin na Juni 2016, for di Venezuela y cu e no tin papel pa por keda na Aruba. M. a wordo deteni y hiba warda di Playa. El a wordo pasa pa personal di Warda nos Costa. Comandante na warda a wordo poni na altura.