Homber ilegal bendiendo producto na Supermarket

0

Central di Polis ta manda un patruya pa Today Minimarket na Weg Seroe Preto, caminda cu lo tabata tin 2 homber cu lo tabata bendiendo productonan sin cu tin e permiso pa esaki. Segun informenan, e dos hombernan tabata papia Spaño y tabata core un Hyundai H1, nr V- 2854. Na nan yegada nan ta wak e auto en cuestion para dilanti di e localidad. Polis ta acerca e chauffeur cu a bisa di ta yama I.A.G.R. y cu e lo ta traha pa un compania Distribution BD. Segun e persona, su doño di trabao ta yama K.B. E no por a mustra su permiso pa bende. Hunto cu I.A.G.R. tabata hunto cu’n otro persona Y.G. naci na Venezuela dia 6 di juni 1987. A pidi G. pa su permiso y e ta declara cu su identificacion tabata na su trabao y cu e tin 3 luna caba na Aruba. Mas aleu Y.G. a bisa cu e no tin un permiso di trabao. Esaki tabata motibo pa polisnan hib’e warda di polis y controla su informacion duna. Na warda a yama personal di IASA y a entrega G. na e personal di IASA. Personal di I.A.S.A. a informa polisnan cu enberdad G su tempo di estadia a pasa caba.

Comments

comments