Willemstad Curacao:Polis a detené un di e hòmbernan sospechoso relashoná ku ladronisia i violensia ku a tuma lugá den un kas den área di Janthiel.
Riba e dia en kuestion alrededor di 16.15 or, tres (3) sospechoso a atraká un dama hulandes ku un machete, nan a maltrat’é i a kita su kadena i telefon. Despues di un búskeda a detené un (1) di e hòmber sospechoso J.R. nasé na Kòrsou di 13 aña di edat.
Kontinuando ku e investigashon djabièrnè 20 aprel 2018, mainta Tim di Aresto a detené e otro dos (2) sospechosonan A.A.O nasé na Kòrsou di 25 aña di edat i E.H.O nasé na Kòrsou di 25 aña di edat. A presentá e sospechosonan dilanti di un Fiskal Ouksiliar ku a ordená su enkarselamentu pendiente di mas investigashon.
Polis ta supliká habitantenan den áreanan Caracasbaaiweg, Janthiel i bisindario ku ta disponé di informashon òf a mira algu di kasonan di ladronisia pa duna polis e informashon aki na departamentu di Atrako na number di telefón 8666123 (ora di ofisina, 08.or di mainta – 04.or di atardi), tambe na e number di telefòn 917(24 ora pa dia), òf 108 (number anónimo, kaminda bo anónimidat ta garantisá).
Bo(so) informashon ta balioso pa asina sigui garantisá e trankilidat den bario.