Willemstad Curacao: Djadumingu 23 yüli 2017 alrededor di 00.30’or, e tim di Mantenshon di Órden Públiko durante di un kòntròl riba Berg Carmelweg a haña un hòmber ku un kantidat di karchi di banko. E karchinan tabata paresido na karchi di banko ku polis a detené un sospechoso di ‘skimming’ siman pasa. E hòmber no por a duna un deklarashon akseptabel na unda e la sali ku e karchinan.
Polis a detené e hòmber A.M.V.C. nasé na Kòrsou di 30 aña di edat komo sospechoso di ladronisia/skimming.
A presentá A.M.V.C., dilanti di un Fiskal ouksiliar ku a ordená su enkarselamentu pa mas investigashon.