Diahuebs mainta trempan autoridad a keda informa cu riba linear park altura di Aruba Bank Camacuri un homber cu tabata jog a sak den otro. E homber a dal su cabes basta duro riba e klinkernan cu consecuencia a bay for di tino y no tabata reacciona. Hendenan cu a mira esaki a cuminsa yuda e persona pero e homber no tabata hala rosea mas.
Polis, y ambulancenan a presenta cu urgencia na e sitio. Paramedico a drenta accion rapidamente y cuminsa cu CPR debi cu no tabata haya pulso. E homber tin 44 aña di edad, y lo ta sufri di salud, pero ta un persona cu ta jog pa mantene su curpa den condicion. Cu urgencia a hiba e victima hospital bou reanimacion pero na hospital nos a haya e informe cu no por a haci nada mas y dokter mester a constata morto.