Central di Polis ta haya un melding di un colega cu den centro di San Nicolas lo tin un homber Dominicano ta canando rond cu un cuchiu grandi. tambe cu e homber aki ta actuando di manera agresivo y ta menasa hende cu e cuchiu.
Un rato despues ta drenta yen di melding Warda di Polis San Nicolas pa cual ta manda un patruya cu urgencia pa centro di San Nicolas. e patruya ta tuma contacto telefonico cu otro unidadnan pa refuerso. na nan yegada den B v/d Veenzeppenveldstraat e patruya ta wordo acerca pa doño di Chica Cafe, cu ta declara na polisnan cu tin un homber ta cana arma cu un cuchiu y cu eta menasando hende den centro di San Nicolas. El a mustra polisnan e potret di e persona en cuestion, cu polisnan a reconoce como J.C. Winterdaal biba na Jan Steenstraat, y cu ta sufri di trastorno mental. den Jan Steenstraat polisnan ta wak Winterdaal ta canando bay den direccion pabao. ora cu ela ripara e patruya di polis el a tira e cuchiu dilanti di percela nr. 16 y a core bay den direccion pabao pa despues bira bay zuid. Polisnan a sigui e sospechoso na pia. Ora cu polisnan a acerc’e el a tuma posicion cla pa bringa. Door di esaki polisnan mester a haci uzo di forsa bruto pa por a domin’e. E tabata hopi agresivo y tabata resisti fuertemente contra di su aresto.
Ora cu refuerso a yega, entre tur a logra di domina e sospechoso y boei’e. pero asina mes el a keda trek bay den direccion opuesto, pa cual polisnan mester a hisa e sospechoso y pa pone den e patruya. Pero Winterdaal no kier a subi den e patruya. Ainda na su yegada na warda di polis, e tabata tin un actitud agresivo cun’e y atrobe polisnan mester a carg’e y hib’e paden di Warda. El a wordo hiba pa un cel, pa cual tabata tin mester di ocho colega pa a logra esaki. Fiscal Comisario a tuma contacto cu personal di Slachtofferhulp, cu a bisa cu Winterdaal ta un pashent di PAAZ y cu nan lo tuma contacto cu SPD. Comisario na warda a tuma contacto cu Centrale Post pa nan manda un ambulance pa warda di polis. Despues a bin resulta cu Winterdaal no ta registra como pashent di PAAZ y cu nan lo mester hib’e hospital pa e wordo interna na PAAZ. Personal di ambulance a bin warda pero no por a atende Winterdaal ya cu e tabata hopi agresivo. Via di tralie a controla su rosea y a constata cu e no tabata halando rosea bon.
Personal di CEA a presenta na Warda di San Nicolas pa transporta Winterdaal pa hospital, pero door cu e tabata somnoliento a dicidi pa transport’e pa ImSan, y di eynan a transport’e via ambulance pa hospital caminda cu ela keda interna pa observacion. Mas laat ta CVD ta duna ordo pa lag’e den libertad.