FLORIDA, Merca- Un homber di 68 aña di Florida, sospecha di a viola un mucha muh di 8 aña a bisa polisnan cu su manera di bisti y su accionnan tabata mustra cu e mucha kier a tene relacion cun’e. Esaki ta sosode na Juli 2016 ora cu e mucha a declara cu e tabata bayendo pa cas diun amiga. Sydney Allan Markland – miho conoci como ‘Dread’ – a acera e mucha y a puntr’e si e por a yud’e hiba algun cos paden di su cas, y e mucha a bay di acuerdo pasobra e homber tabata mustra herida.
Pero unabes paden, segun detectivenan, Markland a viola e mucha.
Despues cu muestranan di DNA for di e paña di e mucha a conduci e detectivenan bek na Markland, e homber di 68 aña a declara na e detectivenan cu e mucha tabata bisti na manera provocativo y cu su accionnan “tabata indica cu e tabata kier a tene relacion sexual cumi”. Segun detectivenan, Markland a indica cu su cultura ta diferente y cu su accionnan ta acceptabel.
Markland ta enfrenta varios cargo, incluyendo abuso sexual na un victima menor di 12 aña. Pero detectivenan ta buscando otro posibel victimanan, ya cu el a admiti di ta familiar cu muchanan den vecindario.