TEXAS, Merca- Un homber di Texas a wordo condena na mas di mil aña di prizon pa abuso sexual contra menornan di edad. Robert Benjamin Franks, di 39 aña, di San Marcos, Texas a abusa na mas di un ocasion di dos mucha muhe di 9 y 10 aña cu cual e tin un relacion familiar cu nan.
Franks dialuna a haya su sentencia di dos cadena perpetua pa abusonan contra di mucha chikito, 99 aña di prizon pa cada un di e nuebe acusacionnan di agresion sexual grave contra di un menor y 20 aña cada un di e 6 cargonan di indecencia contra di un mucha. En total e condena tabata di 1011 aña di prizon.
Autoridadnan a haya sa di e caso pa prome biaha na 2016, ora cu un mucha menor di edad, a bisa su tata cu Frank tabata haciendo cosnan mahos y vies contra di dje. Inicialmente un otor mucha di 10 aña a nenga cualkier maldad pa parti di Franks, pero despues a afirma cu el a wordo abusa pa Franks durante varios aña. Ambos mucha a testigua den Corte.