Homber condena na 12 mil aña di prizon pa agresion sexual

0

KUALA LUMPUR- Un homber a wordo acusa di 626 agresion sexual contra su yiu muhe di 15 aña. Pa e crimen aki e homber lo por wordo condena na 12 mil aña di prizon, segun e huesnan cu ta trata e caso a indica.
Den e acusacionnan ta figura 599 caso di sodomia, incesto, un violacion y otro crimennan sexual. E homber cu a declara su mes inocente, lo wordo enhuicia un biaha mas.
“E ta enfrenta na mas di 12 mil aña di prizon”, segun Aimi Syazwani, vice- fiscal di e tribunal special pa crimennan sexual na Putrajaya, capital administrativo di e pais.
Pa cada caso di sodomia, e sospechoso por wordo condena na 20 aña di prizon, como tambe pa e wordo suta cu palo. E lo por cumpli tambe cu 20 aña di prizon pa un caso di violacion y e mesun pena pa 30 otro acusacion di agresionnan sexual.
E homber cu tabata bende productonan di inversiona a wordo deteni dia 26 di Juli ultimo, despues cu mama di e adolescente a entrega un denuncia. For di e tempo ey e ta den detencion preventivo.
Na 2015, un polis a wordo condena na 100 aña di prizon y na 15 sota di palo pa a viola un adolescente di 13 aña den un hotel riba e isla di Borneo.

Fuente: http://www.ntn24.com/noticia/

LEAVE A REPLY

Please enter your comment!
Please enter your name here