Willemstad Curacao: Djasabra 1 di aprel 2017 alrededor di 10.45 or, Sentral di Polis a dirigí un patruya na Cubaweg na un edifisio den konstrukshon kaminda un hòmber ku tabata trahando a kai for di altura i no tabata duna señal di bida.
Na yegada di e patruya na e sitio nan a topa ku un hòmber drumi abou ku un kap na kabes. E hòmber aki en bèrdat no tabata duna señal di bida.
For di un investigashon preliminar ku polis a realisá na e sitio, a sali na kla ku e hòmber aki, Jarman Miguel De Windt, nasé na Kòrsou 8 mei 1960 tabata hasiendo trabou na un edifisio den konstrukshon i pa un motibu ku te ainda ta den investigashon a kai for di altura ku e konsekuensia ya menshoná.
Ambulans ku a presentá na e sitio no por a hasi nada mas pa e víktima. Dòkter di polis alrededor di 11.30 ‘or a konstatá morto di Jarman De Windt. E kaso ta den investigashon.