Central di polis ta haya un melding cu lo tin persona sospechoso cu lo a drenta den un cas na Seroe Patrishi. Na e sitio polisnan a papia cu e cabayero L.L. cu a declara na polisnan cu un persona desconoci lo a forsa su bentana di camber y asina un homber desconoci lo a drenta den su cas.
Na mesun momento, e cabayero T., a declara cu el a wordo atraca door di tres homber desconoci. El a declara cu e tabata canando for di Cas Casuela, direccion di su ruman muhe cu ta biba na Seroe Patrishi. E tres hombernan a menas’e cu un machete. Nan a bay cu su telefon y su cartera. Nan a bis’e cu nan lo pasa pret cun’e. E tabata por a los su mes for di nan y a core bay den direccion pabao, drenta mondi. Mientras e ta coriendo, el a skucha algun tiro. El a sigui core y drenta mondi y a core drenta un cas na Seroe Patrishi. T a wordo hiba pa Warda di Polis y personal di atraco team y slachtofferhulp tambe tabata presente pa brinda asistencia. Personal di ambulans tambe a presenta pa duna tratamento na T., ya cu e tabata tin yen di Hubada na su curpa. E caso ta bou di investigacion.