Diamars, 13 di Juni pa mas o menos 3 or di marduga, Central di Polis ta manda un patruya pa Eerste Hulp, pa un caso di maltrato. Na nan yegada nan ta combersa cu e yiu muhe di e victima, L.B. El a yama Central di Polis pa un caso di atraco. Su tata, J.B. na e momentonan ey tabata bezig ta haciendo un scan, pa cual polisnan a tuma declaracion di e yiu muhe. E ta declara na polis cu su tata a wordo atraca cerca di nan cas, den De Vuyst, door di tres hoben. E hobennan a purba horta e tas di su tata, cu no kier a entrega esaki pa cual a start un pelea. Un di e hobennan a dal J.B. cu’n palo den su cabes. Esaki a tuma luga rond di 1 or di marduga. Polisnan a conseha tanto e victima como e yiu pa entrega keho na Warda di Polis San Nicolas.
Central di Polis a wordo poni na altura.