Central a dirigi patruya den Caya Jose Geerman, na altura di Saint Andrews Peuterschool, caminda cu algun hoben tabata humando marihuana. Eynan ta papia cu e dama L., kende a declara cu e ta traha na dicho scol y cu el a haya molester di huma di marihuana. El a bisa tambe cu dos hoben den uniform di EPB, tabata huma marihuana.
E dama a bay papia cu e dos hobennan aki, mirando cu e huma tabata causa molester cerca e muchanan. E dos mucha hombernan aki tabata hopi fresco cun’e y a cuminsa insult’e. Djey, e dama a dicidi di yama polis. Dado momento mayor di un di e muchanan a bay atende cu e dos hobennan aki. Despues di esey nan a bay inmediatamente for di eynan. Patruya a sigui cu su control y Central a wordo poni na altura.