Durante un patruya di rutina, un patruya di San Nicolas, a nota ora cu’n grupo di hoben a drenta e scol pariba di Colegio San Augustin. Door cu algun dia anterior ya caba hobennan a purba di cende candela den e scol aki, polis a bay tira un bista. E patruya a topa cu’n grupo di mas o menos shete hoben. Ora cu esakinan a mira polis, algun di nan a core bay. Polisnan a gara algun di e hobenna den un solo klas. Ora cu a puntranan, kico nan ta haciendo, nan a contesta polis cu nan tabata hungando airsoft. Nan a sconde algun di e pistolnan di airsoft den un di e klasnan y e otro ta den un tas roos. Polisnan a haci un control y a bin haya e armanan aki. Esakinan a wordo tuma den beslag cu e afspraak cu nan mester bin cu nan mayornan warda pa nan haya esakinan bek. A hala atencion di e hobennan aki ariba e posibel consecuencianan di nan accionnan y a bisanan pa nan bay cas.