Un cabayero, di identidad desconoci, a presenta na warda di Strandpolitie y a informa cu e, y su yiu homber chikito, tabata riba e pier dilanti Riu Hotel, caminda cu tabata tin un grupo di hoben cu tabata haci fastioso y tabata haci papia hopi palabra malo. Tabata trata aki di un grupo di mucha muhe y mucha homber di 10 aña bay ariba. E cabayero a haya esaki hopi fresco di parti di e muchanan cu no a mustra ni respet, ni manera. Polis a duna di conoce cu nan lo informa esaki na Maritiem Politie pa asina nan tuma rienda di esaki. Polis mes a bay wak riba e pier y a bin topa cu e grupo di hoben. A pone Maritiem Politie na altura pa nan haci nan control.