Comandante na warda ta ricibi un melding di un caso di menasa contra algun bouncer di e club nocturno Olde Molen. Dos polis di Noord a sali pa e luga. Na e sitio polisnan ta papia cu bouncer W cu cuater hoben kier a drenta e luga mas trempan e anochi ey. Dos di nan a wordo ristra door di e bouncer y a por a drenta paden. E dos otronan, entrenan e conocido di husticia G, a wordo retira di e luga pa e bouncer ya cu den pasado nan a tira na e luga y pa cual nan a bay cera.E hobennan aki a rabia y palabranan di menasa a cay den direccion di e personal di siguridad. Tambe e bouncer a informa polisnan cu e hobennan tabata move den un Chevrolet Comfort color shinishi.
Durante un control a bin haya e auto den e parkeerplaats y a pidnan pa baha for di auto. E dos personanan den auto tabata T. (chauffeur) y G. (pasahero). Nan tabata den compania di e conocido di husticia F. cu tambe tabata ariba e parkeerplaats. A bay over na ristranan, pero no a haya nada particular. T. a declara na polis cu e personal di siguridad no tabata kier pa nan a drenta e local pa loke a pasa den pasado. A pidi T. pa retira for di e luga y cu no por a sigui blokia e parkeerplaats. T. a mustra comprension, pero a keda ripiti cu tanto e personal di siguridadd como e doño di e luga tin arma. Centrale Post y Chef van Dienst a wordo poni na altura.