LOS ANGELES, California – Ideanan simpel cu ta cambia mundo. Cu miles di habitante riba caya cu tin na Los Angeles, California, tabata tin un dak pa proteha nan mes di e inclemencianan di e clima, tabata e obsesion di un grupo di 12 studiante di origen Latino, kendenan a desaroya algun tent cu ta bin dota cu panelnan solar.
“Nos tent ta traha di materialnan special, unda cu nos lo bay tin panelnan solar, nos lo bay di luznan LED, pa hendenan por mira paden ora cu ta scur, tambe nos lo bay tin e factor pa haci e casnan limpi cu ta e luz UV (Ultra Violeta) cu ta mata bacteria,” Kenia Shi, studiante di e ultimo aña di secundaria a bisa EFE.
E proyecto aki, cu a wordo apoya pa e organisacion sin animo di lucro DiY Girls, tambe a conta cu un patrocinio di 10 mil dollar di e Instituto di Tecnologia di Massachusetts (MIT) atrabes di e programa Lemelson InveTeam.
E grupo di origen Hispano a diseña como principal innovacion, durante mas di un aña di trabao, un panel solar chikito y un foco cu ta posee un acumulador di energia transferibeol na otro aparatonan:
“Nos ta soµa cu na EurekaFest nos por haya un hende cu lo kier distribui esaki nacionalmente,” un di e participantenan a expresa, kende a agrega cu e ta inspira riba e muchanan den pobresa extrema cu mester di luz pa nan haci nan lesnan di scol.
Atrabes di e plataforma GoFundMe, e grupo di mucha muhe hispano a recolecta ademas 18 mil dollar den menos di tres luna pa perfecciona y culmina e idea cu a nace den un klas di scol di e scol secindario San Francisco na California.
E fin di siman aki a tuma luga e EurekaFest den e prestigioso MIT (Boston) y e grupo aki di Latino a bay cu tur e miradanan pa loke por ta un solucion economico y practico pa e miyones di refugiado y desampara na mundo.
Fuente: http://www.elcolombiano.com