Polis uniforma durante patruya riba e caminda principal di Savaneta, nan a nota dos hoben ta leun na e muraya pariba di Hulpbestuurskantoor na Savaneta y tabata humando algo. A dicidi di bolbe bek y a haya e sospecho cu nan tabata huma marihuana. Eynan a nota cu un di e hobennan tabata tin algo den su man robes y tabata purba di sconde esaki. Pesey a lanta e sospecho cu e hoben tabata purba di sconde droga. Ora cu a yega eynan, mesora a topa cu un sigaria parecido na esun di marihuana den suman robes. Tambe e tabata tin un tas blanco cun’e. A puntra e hoben kico e tabata tin den su tas, cual el a contesta cu ta nada. A pidie pa habri e tas, cual e hoben a cumpli cu e ordo. Durante control den su tas, a topa cu un saco transparente cu marihuana den dje. Tambe a topa cu cuater lighter, un sker preto y un paki di vloei den su tas. Den cuadro di esaki a detene e hoben pa tin droga den su poder.