Hobennan cu ta pasa mas tempo riba nan celular ta menos feliz

0

Adolescentenan cu ta pasa mas tempo pega ariba nan celular ta “notablemente”mas infeliz cu esunnan cu ta inverti nan tempo den otro actividadnan, manera haci un deporte of disfruta di un bon lecutra, segun un estudio publica awe den e revista specialisa Emotion.
Pakico muchanan di awendia ta creciendo mas rebelde, menos tolerant, menos feliz y completamente desarma pa e fase adulto?”, e autor principal di e investigacion, Jean Twenge, di San Diego State University (California, Merca).
Pa studia e fenomeno aki, Twenge y su coleganan a analisa datonan di estudio “Monitoring the Future”, un encuesta representativo di mas di un miyon hoben Mericano di entre 15 y 18 aña.
Den e encuesta aki, a puntra e hobennan riba e frecuencia di e uzo di nan telefon celular, tablet y computernan coo tambe interaccionnan social y nan nivel di felicidad general.
Den promedio, a haya cu e adolescentenan cu a pasa mas tempo dilanti e pantayanan tabata “notablemente” mas infeliz cu esun cu a inverti mas tempo den actividadnan manera deporte, lectura of interaccion social cara a cara.
Sinembargo, e abstinencia total di e pantaya tampoco ta hiba na felicidad, ya cu adolescentenan mas feliz tabata uza un soporte digital un poco menos di un hora pa dia.
“E clave di e uzo di soportenan digital y felicidad den e uzo limita”, Twenge a bisa.
Na ora di observa e tendencianan historico di e mesun gruponan di edad desde e decada di 1990, investigadonan a haya cu e aumento di dispositivonan di pantaya a lo largo di tempo a coincidi cu e disminucion general di felicidad entre hobennan.
Concretamente, e satisfaccion cu bida, e autoestima y e felicidad di e hobennan a bin abao despues di 2012, aña cu e porcentahe di Mericanonan cu tabata tin un telefon celular a aumenta mas di 50%.
“E cambio mas grandi den e bida di adolescentenan entre 2012 y 206 tabata e aumento di e cantidad di tempo cu nan a pasa uzando medionan digital y e posterior disminuccion den actividadnan social personal of den nan soño.
Concluyendo por bisa cu e investigadonan ta recomenda pa e hobennan cu den ningun caso ta supera dos hora di uzo recreativo di soporte recreativo di soportenan digital y cu e cantidad di tempo cu nan ta pasa ta wak nan amigonan cara a cara y haci ehercicio, dos actividad relaciona di manera confiabel cu un felicidad mas grandi.

Fuente: https://www.efe.com

Comments

comments