Central di Polis ta manda un patruya pa e construccion di e MFA Santa Cruz, caminda un guardia di siguridad lo a gara dos hoben ariba e tereno. Na e sitio polisnan a papia cu e guardia di siguridad P. Esaki ta declara cu ultimo temponan tin hopi casonan di destruccion tumando luga ariba tereno. Pa es motibo ey, P. a dicidi di keda pa vigila e sitio. El a wak dos hoben cu a subi e tereno di construccion y cuminsa zwaai e palonan ariba e tereno. Tambe e hobennan a basha un hemchi yena cu piedra abao. P. a detene e dos hobennan y a yama polis. Eynan a hala nan atencion tocante nan actitud. A yama nan mayornan pa bin buscanan, pero polisnan a hala atencion tambe di e mayornan riba e actitud di nan yiunan. Central di Polis a wordo poni na altura.