ZWOLLE, Hulanda – E hobencita di 16 aña, Maggie Lee, kende tabata perdi y cu a wordo haya diasabra na Zwolle, ainda ta hinca den cel na warda di polis. Formalmente, debi cu el a biaha cu un paspoort cu no tabata di dje, pero a brinda husticia pa papia cu instancianan di ayudo y autoridadnan Mericano riba e situacion aki.
Maggie tabata perdi for di dia 1 di April y a wordo haya na Zwolle diasabra. E mucha muhe a wordo deteni eynan door di polis. Na warda di polis, el a wordo reencontra cu su mama.
A uza un otro paspoort
Maggie a huy for di cas y a bula pa Hulanda cu e paspoort di su ruman muhe di 14 aña. Pasobra cu el a uza un paspoort di un otro pa yega Hulanda, e agentenan policial a detene pa haci uzo di datonan personal di un otro persona. Pesey ainda e ta cera den cel.
Durante e periodo aki, husticia, hunto cu instancianan y tambe autoridadnan Mericano, ta purbando pa yega na un solucion, segun vocero di Ministerio Publico. Ta insigur si e lo wordo deporta for di e pais. Segun AD, e no kier bolbe bek Merca.
“Nos ta den deliberacion cu autoridadnan pa mira unda e lo ta miho ubica,” un vocero di Ministerio Publico a declara.
Contacto via internet
Hendenan por wordo deteni pa tres dia, despues nan ta wordo presenta dilanti di hues comisario. E lo dicidi si tin suficiente rason pa wanta un persona.
For di investigacion y tipsnan parce cu Maggie, durante su periodo na Hulanda, el a keda na varios persona cu e conoce via internet. Maggie lo a keda eynan voluntariamente.
Fuente: RTL Nieuws