SAN JUAN, Puerto Rico – E hobencita Puertoriqueño cu a sufri un accidente cu su famia na Aruba, diabierna atardi a yega Puerto Rico pa ricibi tratamento medico. Esaki ta danki na e colaboracion di un bon samaritano.
E secretario di e Departamento di Salud, Rafael Rodriguez, diabierna den oranan trempan di mainta a informa cu ya cu menor tin camber apart den e Centro Medico na Rio Piedras pa asina e wordo atendi di emergencia.
E traslado di e menor a wordo logra danki na e ayudo di e homber cu a duna e hobencita e prome auxilio na momento di e accidente. El a haci un donacion di 15 mil dollar pa paga e gastonan di Air Ambulance.
E menor identifica como Yednielyz Perez Rivas, di 7 aña, a biaha hunto cu su famia den un crucero diasabra ultimo. Diaranson nan a sufri un accidente den un buggy ora cu nan a bay dal den otro auto. E mucha ta esun cu a resulta mas afecta y a perde parti di su pia.