BEIJING, China- Un adolescente Chines a fayece menos di 48 ora despues di a wordo interna den un campamento ilegal pa muchannan cu problema di adiccion di internet. Segun e corant local ‘Anhui Business News’, curpa di e hoben di 18 aña tabata tin varios herida y golpi.
Segun e publicacion, mama di Li Ao a interna su yiu den e institucion Hefei Positive Energy Education, cu a priminti di yuda nan alumnonan por medio di consultanan psicologico y entrenamento fisico, cu metodonan “suave” y sin castigonan corporal.
Despues di a paga 22mil yuan (casi 3 mil dollart) pa un periodo di 180 dia, Li a drenta e campamento dia 3 di Augustus ultimo. Sin embargo, dos dias despues, nan a informa su mayornan di e fayecimento di nan you. E causa di su morto ainda no ta conoci, pero e informe forense a identifica 20 herida externo y señal di hemorragia interno.
Representanteann di gobierno local a sigura cu e scol ey tabata opera sin permiso y a wordo adverti nan Juni door di autoridadnan pa stop di funciona.
E base di entrenamento militar Xicheng, ubica pafo di Beijing, ta no mas un di e 250 campamentonan pa muchanan cu adiccion na internet y videogame cu ta den funcion na China.
Fuente: https://actualidad.rt.com/actualidad/