Santo Domingo, REPUBLICA DOMINICANA- Un hoben di 23 aña a fayece despues di a bebe un boter di tequila, sin stop den un discoteca di e ciudad La Romana, na Republica Dominicana.
E victima a wordo identifica como Kelvin Rafael Mejía, kende a fayece dialuna marduga door di intoxicacion alcoholico.
E suceso a keda registra den un video difundi riba rednan social y unda por wak e hoben ta bebe tequila, ta tuma e placa y despues ta cay flauw den e baño di e discoteca.
E hoben a ricibi 30 mil peso (630 dollar) pa a gana un bet realisa despues di a observa un grupo di 10 persona ta bebe tequila na un mesa di e discoteca.
Segun testigonan, aunke el a haya conseho pa no haci esaki, el a keda insisti cu e lo bebe e tequila di un solo golpi. Despues di a bebe e tequila el a haya su pago y riba e video por wak cu e ta haya yudansa di un persona pa e no cay flauw riba escenario.
E hoben a wordo traslada pa un Clinica, unda el a fayece despues.