Central di Polis a dirigi un patrya na C.C.Z. pa un caso di destruccion. Na nan yegada nan ta topa cu un señora di fam S. kende ta declara cu e mucha homber di fam F. a destrui e bentana di su camber. El a conta cu, si e mama bay di acuerdo pa paga pa e bentana, e lo no duna keho. E gastonan pa cu esaki ta costa entre 80 cu 100 florin. En conexion cu esaki, e agentenan a bay na C.C.Z. y eynan ta papia cu e Sra. K., kende ta declara cu su yiu tin casi 18 aña y cu e mester ta responsabel pa su actonan. Polisnan a papia cu e mucha homber F., kende na turno a declara cu e casa di e Sra. S. a tira piedra ariba dje, y ta p’esey el a tira varios piedra den su direccion. Tambe el a declara cu e no ta bayendo scol y e no ta traha tampoco, pa cual e lo no por paga pa e bentana. E agentenan a hala su atencion ariba e consecuencianan di su acto cu si e Sra. S. entrega keho. El a compronde pero el a bisa cu e no tin placa. E agentenan a bay bek cerca e Sra. S., y a tuma su denuncia. Central di Polis a wordo poni na altura.