Dane Nash ta come cerca di 150 bacoba pa siman of loke ta ekivalente, entre 15 y 20 pida pa dia di e fruta aki.
Dane ta vegan y solamente ta come fruta, bacoba. Tur cos a cuminsa dos aña pasa ora cu e studiante a dicidi di cambia su habitonan alimenticio pa lucha contra acne.
“Mi tabata vegetariano prome y despues mi a lesa un poco mas y mi a realisa cu e dieet ta optimo pa sernan humano, ta pa come fruta curu y berdura. Tur e especienan di sernan bibo ta alimenta di cuminda curu, pero humanonan, pa algun rason, a dicidi pa cuminsa cushina alimento y esey no ta realmente bon pa nos,” Dane ta opina.
Dietistanan a comunica na Dane cu e dieet di e tipo aki, ta imposibel pa e ta ingiriendo e cantidad corecto di nutriente, pero e mucha homber ta sinti cu e dieet aki solamente a yuda su salud.
“E dieet aki a yudami hopi pa tuma control di mi salud y mi bida y awo mi ta mas saludabel cu nunca. Mi no por recomenda lo suficiente,” Dane ta admiti.
En total, Dane ta come cerca di 3000 caloria pa dia. Esaki ta inclui varios batico y un salada enorme pa dinner. Pa compensa e posibel carencianan, Dane ta tuma vitamina B12, Vitamina D y suplementonan di linasa.
Fuente: www.laopinion.com