Na e t-weg di IMSAN cu Pastoor Hendrikstraat na San Nicolas dialuna den careda di 3 or atardi a keda registra un accidente basta serio entre auto y un cabayero riba brommer. Ta trata di un hyunda accent cu a bay pa lora na su man robes y un brommer a dal basta duro contra di dje, e hoben a bula bay cay algun meter leu riba su cabes heridando su mes seriamente, y e no tabatin helm cune. Dokternan na imsan y e personal a sali di biaha hinca e hoben paden y traha cune di biaha, su situacion tabata instabil den Imsan cu a pone ambulance transporte cu urgencia pa hospital. Na hospital e famia y conoci tabata warda e hoben y personal di slachtofferhulp tambe tabata t’ey debi cu e famia a drenta shock di e situacion di e hoben.