Hoben gara ta intenta pa horta den camber di Hotel

Diahuebs pasa di 10 or di anochi un personal di Talk of The Town hunto cu security a bin topa cu un desconoci riba e tereno di e Hotel y aki a constata cu e hoben tabata intenta di drenta den un di e cambernan. E hoben aki no ta ni miembro pa keda den e hotel y aki a keda wanta di biaha unda patruya di Playa a yega. A combersa cu e personal di e hotel y e hoben cu no tabata por a duna un declaracion completo ki e tabata haci riba e tereno y aki nan a bay cune warda pa asina yama su mayornan.