Dialuna anochi na veld di Caiquetio tabata tin un wega di futbol andando entre Bubali y S.C United. Durante wega emicionnan a bay halto y net prome cu halftime, referee a para e wega debi cu mironesnan a subi veld y cuminsa bringa cu e hungadonan. Despues cu tur cos a caba e hungadonan y mirones a tuma caminda pa cas.
Riba e caminda di Jaburibari algun hoben riba bais bayendo cas a keda sorprendi pa un auto cu hungadonan di Bubali cu a baha y cuminsa bringa cu nan y baranca a keda tira den direccion di un di e hobennan di S.C united y e baranca a dal su cabes basta duro lagando e seriamente herida.
Polis a yega di biaha pa atende cu e caso aki y notifica recherchenan di JZP. Departamento forensico di Polis tambe a acudi na e sitio pa saca potret como evidencia. Ambulans a presenta unda paramedico a brinda asistencia medico y a transporta e hoben agredi pa hospital.