HELMOND, Hulanda – Un hungado di futbol amateur di 26 aña di e club di Helmond, Helmondia, a sak den otro diadomingo durante un wega contra SPV Vlierden. Un miembro di directiva di e club ta yama e situacion “serio.”
E hoben hungado a bay sosega algun minuut pasobra e no a sinti su mes bon, segun Omroep Brabant. Algun rato despues, el a sak den otro, despues cu a bin resulta di ta un paro cardiaco. E homber a wordo reanima pa mey ora, cu ayudo di un AED. Despues el a wordo hiba hospital, unda cu el a wordo induci den un coma artificial.
“E no ta mustra bon,” Harm van Stiphout di Helmondia a bisa. “Tur hende ta sinti’e. Hungadonan a wordo asisti pa SPV y pa nos club mes.” Algun di e weganan a wordo cancela.
Esaki ta di tanto biaha den corto tempo cu un hoben futbolista ta sak den otro riba veld. Dos siman prome, un hoben hungado amateur di 20 aña a fayece, pa motibo di un atake di curason durante un wega di entrenamento na Nieuwegein.
Riba dia 8 di Juli di e aña aki Ajacied Abdelhak Nouri, a bira malo durante un wega di entrenamento contra di Werder Bremen. Algun dia despues parce cu Nouri a sufri un daño celebran serio y permanente, cu tin como consecuencia cu e circulacion di oxigeno tabata poco durante su paro cardiaco riba veld. Un gran parti di su celebro no ta funciona mas y e chens pa recupera segun Ajax, ta nihil.
Fuente: www.telegraaf.nl