BUENOS AIRES, Argentina- Un adolescente Argentino a publica ariba su rednan social unda e ta pidi pa detencion di esun cu a abusa sexualmente di dje, y cu a kima su wela bibo.
Camila, manera cu e mucha muhe ta identifica su mes den e grabacion, ta splica entre lagrimas cu e tin 16 aña. E ta denuncia cu e homber tabata abusa di dje sexualmente na varios ocasion, mientras cu e tabata biba cu su wela. E ultimo aki tabata pareha di su agresor.
E menor, cu ta biba den Lomas di Zamora, na Buenos Aires ta relata cu, a pesar di su caso a bay corte tempo cu e tabata tin 14 aña, e presunto abusador ainda ta den libertad. Na april aña pasa e abusador aki a cende cas di e wela di e menor na candela, como represalia pa e accion di su nieta.
E muhe, di 64 aña, a resulta cu 80% di su curpa kima.
Camila tuma e curashi pa denuncia su agresor a pesar di cu el a cumpli su menasa di a sende su wela su cas na candela. Husticia no ta tuma e declaracion di Camila y e ta pidi, bou yoramento, pa no lag’e su so.
“Husticia no solamente no a skuchami, sino cu e abusador a cumpli cu su promesa di daña mi famia”, e hoben ta bisa.
“Por fabor, no lagami mi so. Husticia mester skuchami”, e hoben ta afirma.
Den e clip, e hoben ta menciona nomber tambe di e fiscalnan María Delia Recalde, Mariano Leguiza Capristo y Maria Elizabeth Borneo, pa nan trata e proceso mas lihe y pa no tin impunidad.
“Mi famia mester pa husticia prevalece. Husticia pa e “meneer” aki bay preso y paga pa tur e daño cu el a hacimi”.