Hoben cu dokternan a diagnostica cu lo biba te cu su 8 aña a gradua di scol secundario

0

GREENSBORO, N.C., Merca- Hoben cu dokternan no a duna posibilidad di bida despues cu e yega 8 aña, ta gradua for di scol secundario.
Khye Jessup, di 20 aña, procedente di Greensboro, North Carlona a wordo diagnostica cu Hunter syndrome, un trastorno genetico cu ta causa regresion cognitivo y fisico durante su infancia. “Mi tabata tin sospecho cu algo lo mester ta malo, ora cu Khye tabata tin 6 luna. E tabata mustra diferente cu otro muchanan, pero dokternan tabata sigurami cu tur cos tabata bon”, segun mama di Khye, Shelley Mason, ta conta.
E enfermedad a causa cu Khye a desaroya un cabes grandi como tambe su bariga, un nek cortico, y mannan diki, ta algun di e caracteristicanan. Khye a tarda pa gatia y pa cana, pero door cu el a logra di haci esakinan den e tempo indica, e no a wordo diagnostica cu ningun retraso. Pero ora cu Khye tabata tin 18 luna, su mama a hibe un specialista cu e diagnostica e mucha manera cu el a wak’e.

Apesar di su limitacionnan, Mason tabata determina pa tene su yiu mas activo posibel, a inscribi Khye na un scol normal, cu ta duna atencion extra na esunnan cu mester di dje, y cu ta duna lesnnan academico ariba tereno academico y di arte.
Khye no por cana sin yudansa, e no por papia y e ta haya cuminda for di un tubo. Pero, asina mes el a caba su scol den 4 aña y dia 9 di Juni, el a logra subi e stage di Ragsdale Higschool na Greensboro, pa ricibi su diploma, bisti cu su paña di graduacion. “Mi no sa cuanto Khye ta compronde, pero mi ta kere cu e sa cu e momento aki, tabata di dje”, Khye su mama a bisa. “E tabata hopi alerta”.

Fuente: www.yahoo.com

LEAVE A REPLY

Please enter your comment!
Please enter your name here