MELBOURNE, Australia- Un hoben Australiano, Julia Monaco, di 26 aña di edad natural di Melbourne, Australia a presencia den menos di tres luna, tres atentado terorista den menos di tres luna di tempo. E tabata testigo diahuebs di e atentado na Las Ramblas cu a laga al menos 14 morto y mas di 126 hende herida, pero anteriormente e tabata presente na e atakenan di London Bridge y Paris.
Asina varios medio Australiano a confirma. Segun Monacio, den un fraccion di seconde, tur cos a bira un desordo completo.
Dia 3 di Juni, Monaco tabata na e metro di London net ora cu e atropeyo a tuma luga ariba e London Bridge, cu a laga 8 morto y 48 herido. Poco dia despues, el a presencia con un homber a agredi tres polis den e portanan di e catedral di Notre Dame na Paris.
Y diahuebs e tabata di bishita na Barcelona cu’n grupo di amiga y tabata ariba e Plaza de Catalunya ora cu e atentado a tuma luga. Autoridadnan a obliga nan di busca refugio den un tiende cercano y drumi abao na suela, leu di bentananan.
Asina mes el a bisa cu e atentadonan lo no kita su gana di biaha. E no ta bay laga nan (e atacantenan) gana, ken cu nan ta.
Fuente: http://www.elmundo.es/