RIYAD, Saudi- Arabia- Un hoben activista, Esra al-Ghamgam, a wordo decapita na Arabia Saudita. Segun fuentenan local, e muhe tabata deteni pa tres aña pa manifesta na fabor di democracia. Si e noticia aki wordo confirma, e lo ta e di 75 victima di e regimen cu ta cumpra arma for di su aliadonan, Merca, Israel y Reino Uni, pa loke ta 2018 di e regimen
E hoben a lucha pa libertad di presonan politico desde december 2015 y e tabata blanco di critica di e regimen Saudi.
Riba su cuenta di Twitter, Thefreethoughts a anuncia cu Esra al Ghamgam a wordo ehecuta riba ordo di e fiscal Saudita ayera diadomingo. Sin embargo, otro fuentenan ta apunta cu e hermetico regimen Saudi ainda tin’e preso sperando ariba un huicio programa pa dia 28 di december ultimo.
E hoben a wordo cera den prizon dia 8 di december di 2015 hunto cu su casa Seyyed Musa Ja’afar Hashem durante un atake di e forsanan di siguridad na suca den e region principalmente Shiita di Qatif, den e Provincia Oriental.
Mohammad bin Salman, e prins heredero di e teribel dictadura cu ta matando mucha na Yemen, ta presentando su mes den medionan di mainstream como un figura liberal y un campeon di e reforma social, discurso cu prensa ta “guli”.